幽靈巴頓在外遊蕩時，發現一件奇怪的東西，
起初，他以為這是燈罩或是桶子，
但後來才發現這是一頂可以讓所有東西消失的魔法帽子，
包括酒桶、老鼠、甚至他自己！

什麼東西藏在帽子下？
喊出它的名稱，
用閃電般的速度掀開帽子或快速抓住正確物品。
預備⋯⋯掀開帽子！

拍攝地點：中壢可樂農莊桌上遊戲
FB：https://www.facebook.com/agricolafarm

哪裡買?：http://tw.mall.yahoo.com/item/p0408108697877

感謝FB台語社 W.b. Chen 翻成台語字幕
閃靈快手
siám-lîng khuài-tshiú
是咧耍啥呢
sī leh sńg siánn--neh
阮就是咧比速度佮反應
gún tō-sī leh pí sok-tōo kah huán-ìng
掀一張牌以後
hian tsi̍t tiunn pâi í-āu
看啥人先搶著答案
khuànn siánn-lâng sing tshiúnn tio̍h tap-àn
搶著上濟的人就贏囉
tshiúnn tio̍h siōng tsē ê lâng tō iânn--looh

啊這有偌好耍呢
ah tse ū guā hó sńg--neh
看伊出了遮濟代就知影
khuànn i tshut liáu tsiah tsē tāi tō tsai-iánn
這馬上新的已經是第四代囉
tsit-má siōng sin--ê í-king sī tē sì tāi--looh
叫做閃靈快手魔法帽
kiò-tsò siám-lîng khuài-tshiú môo-huat bō

來看內底有啥物物件
lâi khuànn lāi-té ū siánn-mih mi̍h-kiānn

白色的鬼
pe̍h-sik ê kuí
殕色的鳥鼠
phú-sik ê niáu-tshí
藍色的桶仔
nâ-sik ê tháng-á
青色的矸仔
tshenn-sik ê kan-á
紅色的帽仔
âng-sik ê bō-á
帽仔會當共其他的物件崁起來
bō-á ē-tàng kā kî-thann ê mi̍h-kiānn khàm--khí-lâi

逐張牌攏有兩个物件
ta̍k tiunn pâi lóng ū nn̄g ê mi̍h-kiānn
這个紅色的形狀毋著
tsit-ê âng-sik ê hîng-tsōng m̄-tio̍h
這个桶仔的色水毋著
tsit-ê tháng-á ê sik-tsuí m̄-tio̍h
這隻鳥鼠就著矣
tsit tsiah niáu-tshí tō tio̍h--ah

閣來看這張牌
koh lâi khuànn tsit tiunn pâi
殕色的形狀毋著
phú-sik ê hîng-tsōng m̄-tio̍h
白色的形狀毋著
pe̍h-sik ê hîng-tsōng m̄-tio̍h
帽仔的色緻毋著
bō-á ê sik-tī m̄-tio̍h
桶仔的色水毋著
tháng-á ê sik-tsuí m̄-tio̍h
青色佮矸仔攏無出現
tshenn-sik kah kan-á lóng bô tshut-hiān
所以矸仔就是這張的答案
sóo-í kan-á tō-sī tsit tiunn ê tap-àn

開始以前就用帽仔
khai-sí í-tsîng tō iōng bō-á
凊彩共一个物件崁咧
tshìn-tshái kā tsi̍t-ê mi̍h-kiānn khàm--leh
掀一張牌
hian tsi̍t tiunn pâi
共答案搶走
kā tap-àn tshiúnn tsáu
你就提著這張牌
lí tō the̍h-tio̍h tsit tiunn pâi
若是發現答案去予帽仔崁起來
nā-sī huat-hiān tap-àn khì hōo bō-á khàm--khí-lâi
著愛緊共帽仔掀開
tio̍h-ài kín kā bō-á hian khui
予下跤走出來
hōo ē-kha tsáu tshut-lâi
抑是講答案(走出來)
ia̍h-sī kóng tap-àn (tsáu tshut-lâi )
仝款你就提著彼張牌
kāng-khuán lí tō the̍h-tio̍h hit tiunn pâi

閣共帽仔提去崁另外一个物件
koh kā bō-á the̍h-khì khàm līng-guā tsi̍t-ê mi̍h-kiānn
若答案就是帽仔
nā tap-àn tō-sī bō-á
著愛用喝的
tio̍h-ài iōng huah--ê
喝出帽仔下跤的物件
huah tshut bō-á ē-kha ê mi̍h-kiānn

若是有人做毋著
nā-sī ū-lâng tsò m̄-tio̍h
桶仔 你看 我的
tháng-á, lí khuànn, guá--ê

著愛共家己的一張牌
tio̍h-ài kā ka-kī ê tsi̍t tiunn pâi
送予做著的人
sàng hōo tsò tio̍h ê lâng
提去啦
the̍h-khì--lah

像按呢 牌掀了
tshiūnn án-ne, pâi hian liáu
有上濟牌的人就贏囉
ū siōng tsē pâi ê lâng tō iânn--looh