最新嘅科技資料、潮流玩意，都有《Z世代達人》麥卓華到處搜羅送到你面前！

之前蘋果因為iphone限速事件，承諾左推出讓用戶自行選擇是否開啟限速功能 (亦即是官方所講的電源管理)，以及俾用戶知道自己既電池健康情況。事隔數月，呢個功能就正式隨著iOS11.3 軟件更新而推出。究竟呢個功能係點用？現在就帶大家睇睇。

只要你係用緊 iPhone 5S或者以上，都會收到 iOS11.3既更新提示。呢個更新大約有700MB左右，所以下載同埋安裝都要一段時間。今日，我就準備左 iPhone 5S, 6S, 7同大家一齊睇下呢個電池功能點玩法。

呢個電池功能可以在設定、電池、電池效能中找到。好似我手上面既iPhone 6S及iPhone 7咁，分別用左兩年半及年半左右，電池效能都仲有88%同埋95%，都算唔錯。而下面既提示亦指出，呢部機現在處出「支援高峰效能操作」，都無被限速。

咁點樣既顯示先知你部機係唔係被限速呢？根據官方網頁指出，如果你部機曾經試過在處理高電量既程式時重啟手機，呢個電源管理 (亦即係限速既功能) 就會開啟，介面亦會有相應既提示。如果你唔想被限速，你可以在呢個介面選擇停用… 不過要留意，當手機下次再遇到因電力不足應付操作而自動重啟時，呢個功能就會再次開啟。即係話，電源管理功能唔可以俾你想幾時開同幾時熄都得！

好喇，睇埋部 iPhone 5S先。入到去電池既選項，唔見有頭先既顯示？ 原來根據管方回應，電源管理其實係由iPhone6年代開始，在iPhone5S 原來一直無限速，所以亦無呢個選項出現。另外，由於iphone 8及以上既手機所用既係更先進的電源管理功能，唔會明顯影響手機既表現，所以亦唔需要提供呢個開關電源管理既功能。 最後提提你喇，如果你曾經在坊間換過非原廠既電池，就算你係用緊 iPhone 6, 6S或者7系列既手機，都會用唔到呢個功能，顯示無法查驗電池既健康情況！

《Z世代達人》
主持：麥卓華