Jabra 近日宣佈推出 Evolve2 系列嘅最新產品 Jabra Evolve2 30，專為辦公室或在家工作而設，等我哋一齊睇下！

呢隻頭戴式嘅 Jabra Evolve2 30 採用人體工學設計，配備咗橢圓形嘅記憶棉耳墊，配合傾斜式設計，可以貼合用家耳仔嘅輪廓，保持舒適，同減少外在環境嘅噪音及干擾。佢仲有可調整嘅不銹鋼頭帶同滑動器，方便唔同頭型嘅用家可以隨時調教。

呢隻耳機有雙mic技術，能夠清晰收音，等用家可以喺任何地方都可以參與通話及線上會議。佢亦透過 28 毫米嘅揚聲器同高階數位晶片，提供最佳嘅音質俾用家。通話時，耳機嘅「忙碌中」顯示燈會自動開啟，或可以選擇手動開啟，向周圍嘅人發出「請勿打擾」嘅訊號，等用家可以專注工作。

Jabra Evolve2 30 有提供 Microsoft Teams 認證版本，設有專用嘅 Microsoft Teams 按鈕，只要輕按就可以快速加入或退出會議，而撥動Mic杆就可以喺靜音同非靜音模式之間快速切換。除此之外，佢亦都符合 Microsoft 嘅開放式辦公室要求，即係通過抑制周圍噪音同辦公室談話方面嘅嚴格測試，確保呢隻耳機適用於任何環境。佢嘅使用方法亦都好簡單，用戶可以通過USB A或C插頭連接到所有裝置，即插即用，真係好方便！

Jabra Evolve2 30將會喺2021年3月上市，單耳版本賣HKD$779，而雙耳版本賣HKD$859。